قيود الماضي

-هتروحي لوالدتك !!!
-نعم !!! قولتها وانا بصر خ وقومت من مكاني…
اتوترت اكتر وقالت :
-ممكن تقعدي طيب وتهدي شوية وتسمعيني …
-انا معنديش ام…معنديش أهل …كان ليا بابا وما.ت ربنا يرحمه …أنا عندي ابات في الشارع ولا اروح للست دي ….
-يا بنتي مهما كانت امك…هي لما عرفت باللي حصل تواصلت معايا انا وام منال وعايزاكي تروحي معاها المنصورة …..
-انتي بتهزري …صح ….اروح مع مين …بقولك مليش ام …الحاج محسن يجي ياخد المفتاح وقت ما يحب مش همنعه ابدا…بس الست دي متقربش مني لاني فعلا هزعلها ….
…..

تاني يوم …
كنت بلم حاجاتي وانا بحاول أدبر اموري واشوف هروح فين …المشكلة أن بابا شغله كان حر …مكانش شغال حكومي ..وحتى لحد دلوقتي مشترناش بيت ملكنا …كنا عايشين بالإيجار عند عم محسن ورغم المشاكل الكتير اللي حصلت والفضا.يح ما بين ابويا واللي متتسماش مفكرش يمشينا ..هو بس قبل و فاة بابا اتفق أنه محتاج البيت عشان يبنيه وابنه يتجوز فيه وبابا وافق ..
.وكان بالفعل قال إنه هيتصرف ويشوف بيت جديد …المشكلة اني مش معايا إمكانية اشوف بيت …والفلوس اللي معايا مش هتكفي …مكانش حيلتي الا سلسلة دهب بابا اشتراها ليا هدية ودي مش هفرط فيها ….

رن جرس الباب …اتنهدت وانا بلبس الخمار ورايحة اشوف مين …فتحت الباب علطول من غير ما اتأكد مين اللي بيخبط واتجمدت مكاني وانا بشوفها …الست اللي د مرت حياتي. وحياة بابا….
-رانيا …
قالتها بشوق ود.موعها بتنزل ….اتخلصت من صد.متي وقولت :
-انتي ازاي ليكي عين تيجي هنا ؟!
-انا جيت عشان اخدك معايا يا حبيبتي …
ضحكت بسخـ ــرية وقولت:
-ده على أساس ايه …مين انتي عشان تاخديني ..
-امك!!!
-انا امي ما تت من زمان بالنسبالي …..أنا متشرفش بيكي ابدا…امشي من هنا ….
-هتيجي معانا يا رانيا!!!

قالها فجأة واحد شاب وقف جمب ماما…عينيه عسلي وشعره قريب من البني…ملامحه كان صارمة وهو بيبصلي وكمل:
-بالذوق…بالعافية هتيجي معانا!!
يتبع
#قيود_الماضي
#سولييه_نصار
فيه فصل كمان

الفصل الرابع شكرا لتفاعلكم السكر بقلم سولييه نصار
-يعني ايه الكلام ده ؟!
قولتها بإنفعال للشاب اللي قدامي واللي معرفش اسمه ايه …كملت ؛
-انتوا هتخدوني غصـ ب عني ولا ايه؟!
قولتها بغضــ . ــب الدنيا …كنت متعصبة…هز ابراهيم راسه ببساطة وقال:
-بالضبط؟هتروحي معانا غصب عنك …أكيد مش عايزة فضا يح دلوقتي فعشان كده يفضل تيجي معانا من غير أي كلام …لو سمحتي يعني …
-لا مش هاجي هو مش عافية…
قولتها بعناد ….
حسيته اتعصب وبص للست اللي معاه بضيق…مكنتش حتى عايزة افتكر انها امي ….

هي بصتلي وقالت:
-يا بنتي تعالي معايا بس …عشان خاطر ابوكي…مينفعش نسيبك هنا لوحدك ..انتي بنت …
-انا بنت صحيح بس بميت راجل …يعني محدش يقدر يعمل معايا حاجة…الدور والباقي عليكي انتي….
غمضت عينيها بأ لم ود.موعها نزلت من عينيها فاتدخل ابراهيم وقال:
-اقسم بالله لو ما لميتي هدومك دلوقتي لأشيلك قدام الناس كلها واخدك معانا بالغصب ..صدقيني ميهمنيش كلام الناس …ومحدش هيتكلم لانهم عارفين أننا اهلك …يالا تعالي معايا بكرامتك احسن وفي الوقت اللي هيجيلك عريس توافقي عليه هتتحرري مننا….لكن احنا عيلتك …لازم تيجي معانا …ميصحش تفضلي هنا لوحدك….
……..

معرفش ازاي لقيت نفسي معاهم في عربية ابراهيم واللي اكتشفت أنه ابن خالتي ….اكيد أنا عارفاه …بس علاقتي بأمي اللي اتقطعت خلت كل علاقاتي بقرايبي من ناحيتها تتقطع كمان …مكنتش طايقة.اي حد فيهم بجد ….كنت مخنوقة اووي وانا مضطرة اروح مع الست دي ….بس للاسف مكانش فيه حل تاني ….
…..
وصلنا المنصورة …بيت ابراهيم اللي كان عبارة عن دورين …..
وصلنا هو الدور اللي تحت وخرج عشان يجيلنا شوية طلبات ….
-اومال بيت ابوكي فين ؟!
قولتها وانا ببصلها بجمود …ارتبكت هي فابتسمت بسخـ ــرية وقولت:
-اكيد بعد فضيـ حتك الراجل مش هيدخلك بيته….

-عندك حق …محدش اتقبلني…وبقيت في الشارع لحد ما اختي الله يرحمها هي اللي ساعدتني هي وجوزها وخلوني اعيش في بيتهم القديم. …بس للاسف من خمس سنين اتو فوا الاتنين ومن وقتها ابراهيم هو اللي فضل واقف جمبي … طبعا جمب شغلي هو كان بيساعدني….وكان ليه بيت وبناه وجابني اعيش فيه رغم اعتراض جده …بس هو مسمعش الكلام وللاسف اتنبذ زيي …
بصيت لها بكر اهية وقولت :

-للاسف كل انسان بتدخلي حياته بتد مريها…مش ملاحظة كده …بتتفنني تد مري حياة اللي حواليكي…في الاول بابا …وبعدين أنا واختك وجوزها واهو ابن اختك كمان …مسبتيش حد في حاله …عاملة زي الشيطا ن بتد.مري حياة اللي حواليكي ….
د.موعها نزلت وقربت مني وقالت :
-يا بنتي أنا توبت ….
رجعت لورا وزعقت:
-انا مش بنتك …اياكي تقولي كده …علاقتي بيكي انتهت من زمان …أنا لو شوفتك ميـ تة قدامي مش هتتحرك فيا شعرة واحدة ولا هشفق عليكي …أنا بكر هك وهفضل اكر هك…وهفضل اتمنالك المو ت …والشيطا ن مبيتوبش ..

الحركات دي تضحكي بيها على اي حد تاني ! !!!
وفجأة لقيت جسمها بيترعش ووقعت من طولها قدامي!!!!
يتبع #قيود_الماضي
#سولييه_نصار

الجزء الخامس شكرا على تفاعلكم السكر بقلم سولييه نصار
-مكانش لازم اسفرك معايا ….
قالها ابراهيم بتأ نيب ضمير لماما وكمل:
-أنتي تعبانة مفروض ترتاحي ….
ابتسمت هي ليه وقالت:
-انا كويسة يا حبيبي …متشيلش هم …خلاص اوعدك من هنا ورايح هرتاح ومش هرهق نفسي ابدا …
كنت ببصلها بكر ه كتير ….هي شايفة أنها كده بتذلني عشان دارت عليا ومقالتش لابن اختها أن انا اللي خليتها تتعب …فاكرة اني هسامحها لأنها عملت كده …هي بتحلم …أنا مستحيل اسامحها على اللي عملته فيا أنا وبابا…..لقيت نفسي بقول من غير ما احس:

-مقولتيش ليه انك وقعتي من طولك لما واجهتك بحقيقتك البشـ عة …متحملتيش اللي عملتيه فيا أنا وأبويا …فاكرة لما تعملي كده وتخبي عني هحن…فاكراني بخاف من البودي جارد اللي مخلياه حواليكي ده ….ده ميهزش فيا شعرة خالص …
وش ابراهيم احمر من الغضــ . ــب وفجأة وقف …منكرش اني حسيت بتوتر منه وخاصة انه كان اطول مني …بلعت ريقي بتوتر وانا ببعد شوية …فجأة شهقت وهو بيمسك ايدي وبيسحبني على برة….

.
-ايه الهمـ جية دي ؟!!
قولتها بغضــ . ــب وانا بحاول احرر نفسي منه….طـ.حن أسنانه بغضــ . ــب وقال:
-والدتك تعبانة وانتي معندكيش اي د.م…تحبي تعرفي أنها عندها فشل كلوي وبتغسل …وان السفر كان خطر عليها بس عشانك سافرت …التوتر غلط عليها بس متحملة كل كلامك زي السم وساكتة لأنها بتحبك …وانتي معندكيش اي د.م ولا احساس…
بهت شوية بس محبتش اني احس بالشفقة عليها وقولت :

-حتى لو ما تت ميهمنيش….تمو ت متمو تش..هي لا امي ولا انا معترفة بيها …ولو مش عاجبك عادي امشي …أنا كده كده مش عايزة اقعد في مكان هي فيه …
-ايه اللي بتقوليه.ده …دي امك!!!
-لا مش امي …الست اللي خا نت ابويا متبقاش امي …دي زا نية!!!!
-تابت…اخدت جزا ئها وتابت لا انتي ولا غيرك ليكم حق تحاسبوها …
ضحكت بتريقة وقولت:
-الشيا طين ملهاش توبة …ربنا مش بيقبل توبة الشيا طين …
حسيته اتصد.م بس قال:

-امك بشر ..وغلطت ..ارتكبت ذ نب عظيم صحيح بس تا بت …وربنا اللي اكرم من اي حد هيسامحها ….مش قادرة تسامحيها عندك حق مش هنجبر ك بس عامليها كويس في آخر أيام حياتها لو سمحتي …لو ما تت بسببك مش هتسامحي نفسك ابدا !!!!
كلامه خلاني ارجع لورا وانا حاسة وكأن ضر بني في قلبي …كنت حاسة بو جع شديد . مش قادرة اتنفس….فاكرة أن كلامي خلى ابويا يتضايق مني ويزعل …ممكن اكون انا السبب في مو ته !!!
…..

روحت لاوضتي وفضلت اعيط لساعات طويلة..