دخل ريان إليها بعدما وجدها بهذه الحالة
اسرع إليها عندما وجدها لا تقو على الوقوف وبدأت تحاول مرة آخري بالتقيئ
أسندها على الحوض وساعدها بأن تخرج مافي معدتها
ثم قام بغسل وجهها وفمها وملس على شعرها بحنان
حبيبي مالك وشك أصفر ليه كدا أنتي كنتي كويسة يانغم ايه اللي حصل
مش قادرة ياريان عايزة أنام.
حملها سريعا ووضعها على الفراش وبدأ يملس على شعرها بحنان لو تعبانة اخدك للدكتور
: لا دور برد حبيبي بس شكله شديد. ممكن تروح شغلك دلوقتي
اروح شغل إيه بس يولع الشغل.
المهم اطمن عليكي
سمعت صوت هاتفها مرة آخري
دي همس كلمتك قبل كدا برضو
: ايوة ياهموسة.
: نغم انتي خرجتي للشغل ولا لسة
: لا حبيبتي أنا مش رايحة النهاردة
: طيب خلاص انا هجيلك شوية
مستنية حبيبتي.
في هذه الاثناء أحضر ريان وجبة الافطار الخاصة الذي قام بتحضريها:
عايزك تاكلي دا كله شايفك معنتيش بتاكلي زي الأول
ماليش نفس والله حبيبي
يعني يرضيك حبيبك يروح الشغل وهو جعان
مش قادرة والله ياريان
وضع شريحة توست بالجبن الرومي في فمها ولكنها اسرعت مرة آخري للحمام
خلع جاكتيه ودخل اليها وجدها تفعل مثل المرة الأولى ساعدها حتى خلصت التقيئ مرة آخري
وقام بحملها لا كدا كتير لازم اخدك لدكتور حالا.
أمسكت بيديه أنا كويسة ثم اجلسته بجوارها
همس جاية دلوقتي فيك تروح شغلك وتطمن دا عادي بيجلي فجأة
ملس على شعرها بحنان هفضل جنبك لحد ماهمس تيجي، بس لو فضلتي تعبانة هاخدك للدكتور
قطع رنين هاتفه
ايوة ياعمر طيب أجله ساعة وأنا جاي
أمسكت يديه: أنا كويسة لازم تروح شغلك حبيبي والله أنا كويسة، انسي أنا هنا لحد ماهمس توصل
بعد فترة وصلت همس واستغربت وجود ريان
انت لسة هنا وايه الامن اللي على الباب دا كله.
مفيش ياهموس أنا هخرج ساعتين تلاتة كدا حاولي مـ,,ــاتسبيش نغم إلا لما أرجع ياهمس لأنها تعبانة
مالها نغم تعبانة ازاي
ادخلي عندها ولو فيه حاجة اتصلي بيا فورا
ثم تركها وغادر، ترك قلبه يأن وجعا من حالتها التي يراها أول مرة عليها
علي الجانب الاخر
إيهاب: يعني أنت متأكد اسم ريان موجود في الدعوات دي
: أيوة ياايهاب باشا وكمان عمر معه
نظر حوله ثم اردف بوعيد: الوقت دا عايز مراته بأي طريقة سمعتني والا هق-تلك.
اتت سها اليه: إيهاب أنا عايزة ارجع مش هفضل هربانة، جذبها بقوة إليه:
ايه ياروحي زهقتي مني ولا ايه
: ايهاب لو سمحت قولت لك ميت مرة أنا مش النوع دا وأنا معاك عشان ارجّع حبيبي ليا بس لو بالطريقة دي مش عايزة
خلاص مش هقرب منك تاني ياسها
المهم أنا عايز اخلصك من مراته.
جلست تسمع له باهتمام: انت قصدك ايه. أنا مش عايزة دم أنا عايزة تبعد عنه وبس إياك تقرب منها أو تحاول تأذيها زي ماكنت عايز تعمل قبل كدا. هي تبعد عنه وبس
مط شفتيه ثم دار حولها للأسف دا مش هينفع الا إذا خطفناها
: انت بتقول ايه وعايز تخطفها ليه.
انت ناوي على ايه
ناوي أخليه يطلقها ايه رأيك
: ان كان كدا ماشي ياإيهاب. بس هتخطفها ازاي
بدأ يقص عليها خطته التي سوف يقوم باحكامها لخطفها
عند نغم.
جلست همس تقص عليها ماصار من عمها
مش عارفه اقول ايه ياهمس بس أنا مش عايزة ماما تتجوز وفي نفس الوقت عايزة اسعدها. تعالي نروح عندها ونحكي معها
همس: بس ريان قالي افضل معاكي
: انا كويسة هتصل بيه واقوله
نظرت همس اليها: بلاش يانغم انتي شكلك تعبان
:
حبيبتي انا كويسة متخافيش وعايزة اكلم ماما في موضوع تاني
وصلت نغم الى منزل والدتها بعد فترة وجيزة ولكن هاتف ريان مغلق فلم تستطع الوصول اليه.
جلست نغم بجوار والدتها: نغم أنتي وشك اصفر ليه كدا حبيبتي انتي متأكدة يانغم إنك مش حامل
معرفش ياماما بس أنا دايما عايزة انام وبقيت ارجع كتير معرفش ودايما دايخة
حضـ,,ــــنتها والدتها وهمست لها وعادتك الشهرية(البيريوت) متأخرة ولا ايه
نظرت بخجل للأرض ايوة ياماما متأخرة كتير
ضمتها بحنان ام وفرحتها بخبر حمل بنتها البكرية
ألف مبروك ياقلبي أنا كنت شاكة بس برضو لازم تعملي اختبار وبعد كدا تروحي تكشفي. ريان يعرف حاجة.
:
لا ياماما يعرف ازاي وانا لسة مش متاكدة من حاجة، ملست على ظهرها بحنان ربنا يسعدكم ياقلبي ويكمل حملك على خير خلي بالك من نفسك ولازم تطمنيني اول مـ,,ــاتتأكدي، قاطع حديثهما رنين هاتفها
: نغوم عاملة ايه حبيبي انا شوية وجاي معلش كان في اجتماع مهم
: انا عند ماما ياريان هب واقف بغضب: انتي تعبانة ولاايه
لا جيت اقعد مع ماما شوية و.
قطع حديثها غاضبا: ازاي تخرجي من غير مـ,,ــاتقوليلي وكمان تعبانة وبدأ يتحدث بصوتا عالي إيه انتي نسيتي ان فيه راجل لازم يعرف يامدام
وقفت وابتعدت عن والدتها:
ممكن اعرف انت مالك فيه ايه وبتزعق ليه كدا. اتصلت تليفونك مقفول فين المشكلة
أخرج نفسا عميقا حاول ان يهدي من حاله
اجهزي عشر دقايق وهكون عندك ثم اغلق الهاتف
اوف اوف بيقلب في لحظة راجل غريب الاطوار بس على مين والله لازهقك ياريان وتعالى بقى.
دخلت عند والدتها فين همس ياماما
جوا اتجهت إليها: هموس عايزة منك طلب
اغلقت الهاتف مع مالك ونظرت الى اختها مستفهمة: ايه يانغوم
:
انزلي هاتيلي اختبار حمل قبل ماريان يجي
قفزت بسعادة ثم حضـ,,ــــنتها
انتي حامل يعني أنا هكون خالة الله وبدأت تهمهم بفرحة
ض-ربتها بخفة: افضلي اعملي كدا لحد ماريان يجي ويعرف
: أنتي ناوية تخبي يانغوم ولا ايه
: يابنتي لما اتأكد روحي بسرعة
في شركة المنشاوي.
تجلس مرام على مكتبها تراجع بعض المشروعات
دخل اليها ريان غاضبا:
مرام راجعي دا كويس وابعتيه للاستاذ عبد الغني انا لازم امشي
وجدها تجلس حزينة ولم تعلق على حديثه، نظر إليها وجد عيناها يكسوها الحزن
جلس بقابلتها
مالك إيه الحزن اللي في عيونك
نزلت دمعة شريدة من عينيها: مفيش حبيبي مخنوقة بس
إقترب اليها بكرسيه ثم قام بمسح دموعها: الموضوع عمر مش كدا. هو كمان ملاحظ مش طايق نفسه.
نظرت الى اخيها: عمر متغير قوي ياريان بقى يعمل تصرفات غريبة ويقول حاجات أغرب
ملس على يديها بحنان:
اعذريه حبيبتي اللي فيه عمر مش قليل يامرام وأوعي تزعلي منه دايما خليك قوته مش ضعفه
عمر امبارح كان عايز نتمم جوازنا ياريان قالتها ببكاء حاد لدرجة وقف ريان غير قادر على صدق مـ,,ــاتفوهت به
يعني ايه مفهمتش يامرام. ثم نظر اليه مستفهما عن كلامها.
نظرت إليه:
يعني اللي فهمته مش عايز نعمل فرح ونحطكم كلكلم قدام الأمر الواقع
ضمها إلى صدره وبدا يهدي فيها على رغم غضبه من عمر إلى أنه حاول ان يخفف عنها ويردف لها بعض الكلمـ,,ــات حتى تهدى من ناحية عمر
بعد فترة اتجه الى مكتب عمر دخل عليه بغضب ولكن وجده يجلس وهو مغمض العينين كأنه نائما
خطى اليه ونظر بهدوء حاول يكتسبه من حالة عمر التي رأها في الاونة الاخيرة
عمر قاعد كدا ليه، فتح عينيه ونظر إلى ريان.
آسف مكنش قصدي أزعلها شوفت انا كنت رافض ارتبط بيها ليها عشان بحبها لدرجة بخاف أزعلها حاولت ابعد بس مستحملتش بعدها ودلوقتي حصل اللي كنت خايف منه وزعلتها وجعت قلبي وقلبها ياصاحبي كلكم كنتوا بتلموني وشوف قهرتها مني
أخرج تنهيدة حزينة على حالهما: روح لعندها مرام بتحبك وهتنسى بس عقلك كان فين ياعمر وانت بتطلب منها كدا ثم تركه وغادر
ذهب إلى نغم وقام الاتصال عليها ولكن هاتفها مغلق.
جلس بالسيارة يزفر عرف إنها ترواده
عند نغم رأته صاعدا من النافذة
ريان جه ياماما ومتعصب مني أنا لازم أبات هنا شكله ناوي ياكلني ياماما.
ضر-بتها بخفة على رأسها: بطلي يابت مش عايزة تكبري خالص وبعدين أنتي اللي غلطانة
دخل وجد نبيلة تجلس بجوارها ألقى السلام ونظر إليها بهدوء: ياله حبيبي عشان تعبان ولازم أروح أرتاح.
نظرت نبيلة إليه برضا علمت ان ابنتها مع الشخص الذي تستحقه رغم غضبه من زوجته إلا أنه لم يبين أمام نبيلة
نظرت لنغم نظرة تفهمها: قومي حبيبتي جوزك تعبان وعايز يرتاح
وصلا الى منزلهما حاول أن يكون هادئا ولكن برودها معه جعله غير قادر على تحكمه: ممكن اعرف انتي ازاي تعملي كدا لا وكمان ولا همك حاجة عمال تغني ولا كأني مضايق وزعلان منك.
:
الموضوع مش مستاهل العصبية دي كلها ياريان وبعدين اعملك ايه يعني اتصلت وفونك مقفول وأنا كنت عايزة أخرج
تركها وغادر حتى لا يفقد اعصابه عليها
ويتبع فى الجزء الثانى 36=قبل الاخيررر – الجزء الثانى = ج 2 /
باليوم التالي
دخل مساءً بعد يوم ملئ بالإجهاد الذهني والعمل المفرط
وجد الهدوء يعم المكان وأنوار خافتة في جميع أركان منزلهما.
نظر يبحث بعينيه عنها ولكنها لم تطل بهيئتها المهلكة لروحه بعد، استغرب فهي كل مرة تنتظره وتقابله على باب منزلهما بلهفة اشياقها، أنب حاله على غضبه عليها بالأمس
أسرع إلى الغرفة يبحث عنها بعدما شعر أن هناك خطب ما
دخل الغرفة ولكنه وقف يلتقط انفاسه عندما وجدها تقف امامه كحورية بحر
خطى بهدوء نحوها وهو يتشرب ملامح وجهها السعيدة
كدا تخضيني عليكي ياقلب ريان.
لمست وجهه بحب ثم نظرت إلى عيونه:
ألف سلامة عليك حبيبي من الخضة. آسفة لما غيرت كنت دخلت مالحقتش أقابلك، نظر حوله بالغرفة
ايه الجمال دا شكل حبيبي ناوي يعوضني امبارح ويصالحني
وقفت على قدميه ثم قبلته قبلة سطحية على شفتيه
ووضعت رأسها في عنقه تستنشق رائحته الغائبه عنها منذ الصباح
فهم حالتها ضمها بقوة إليه يستنشق عبيرها
ثم حملها ودخل بها إلى مكانهم المفضل وقام بتشغيل موسيقى هادئة ثم وضعها على الارجوحة.
لسة زعلانة مني يانغم، مقصدش أزعلك أو أخوفك. كنت خايف عليكي وهتتجنن لما مسمعتيش كلامي وروحتي لوحدك.
وضعت يديها على وجهه ثم أمسكت يديه ونزلت بهدوء من الأرجوحة وضمته. وبدأت تتمايل معه على صوت الموسيقى الهادئة. ثم همست له وهي تضع يديه على أحشائها
هتبقى أجمل وأحن بابا في الدنيا
لم يفهم كلامـ,,ــاتها إلا عندما وضعت بيديه حذاء لبيبي
: هيبقى عندي ريان صغير من حبيبي ريان الكبير.
نظر إلى عيونها مرة والى يديه التي بها حذاء البيبي
ثم فجأة بعدما فهم حديثها حملها ودار بها وسعادته وصلت عناء السماء. ظل يحمد ربه إلى أن نزلت دموعه
أنزلها ببطى ثم جلس على عقبيه كأنه يتحدث مع جنينه:
هيبقى عندك أحسن واحلى أم عايزك تتطلعي شبهها في كل حاجة بس متزعليش ياأميرتي مش هقدر أحبك قدها عشان مفيش قوة تقلل من حبها حتى لو إنتي.
أمسكت يديه ووقف وبدأت تتمايل على الموسيقى ثم نظرت إلى عيونه: معتقدش حبيبي إنك هتحبني أكتر منها بتقول كدا بس عشان لسة مشفتهاش
ضحك بقوة عليها: شامم ريحة غيرة معرفش ليه
وضعت رأسها على صدره أنا بغير عليك وكتير بس اكيد مش هغير من ولادنا
رفعها من خصرها ونظر إلى عيونها المهلكة لقلبه: بس أنا بغير من هدومك حتى لأنها بتلمسك أكتر مني.
:
نغم تعالي نصلي جمـ,,ــــاعة ونشكر ربنا على نعمه وسعادتنا ونطلب منه يكمل حملك على خير والبيبي يجي بصحة وعافية
وضعت يديها على وجهه: أنا بحبك قوي قوي
همست بها مما جعله غير قادر على الصمود في حضرة جمالها وهماستها
: تعالي حبيبي نصلي الاول أصلي خلاص باقيلي تكة
بعد الانتهاء من صلاتهما
دلوقتي لازم نحتفل بأبننا لازم أسلم عليه مش واجبي اطمن عليه.
وضعت رأسها في عنقه دعوة منها لأحتفالهم الذي ظل ساعات وهم في منتهى سعادتهم
في الصباح الباكر
استيقظ ريان نظر وجدها تنام في احضانه وتضع راسها في عنقه كأن ريحته تجعلها تنام بعمق
ابتسم بتلقائية عندما علم تعلقها بريحته ماهو إلا من حملها، كانت سعادته لا توصف حينها
فتحت عيونها الجميلة: صباح الخير حبيبي
صباح السعادة لحبيبة قلبي.
حاولت الإعتدال ولكن معدتها بدأت تغصو عليها وتشعرها بالتقيؤ. اقترب ريان حتى يقبلها ولكنها دفعته بقوة وأسرعت الى الحمام، اسرع خلفها وأمسكها بقوة من خصرها ووضع يديه على معدتها حتى لا تؤلمها.
تيقأت بطريقة مؤلمة أمامه
مما ازعجه آلامها رفعها بين يديه ووضعها على الفراش. ثم احضر ملابس لها ياله عشان نروح لدكتورة انا كان ممكن أجبها هنا بس اكيد لازم تكشف بالجهاز عليكي.
ريان أنا كويسة دا بيحصل اول مابقوم من النوم بقالي فترة على كدا وبعدين عندي جامعة النهاردة ولازم أروح ضروري
انسي يانغم تروحي في أي مكان وأنتي تعبانة
نظر إليها وجدها حزينة اتجه إليها:
مش مهم يانغم تروحي أهم حاجه صحتك
: دلوقتي خايف عليا ولا خايف على البيبي
:
انا ميهمنيش البيبي قد مـ,,ــاتهميني أنتي أنا لو عايز البيبي فعايزه عشان منك
اقتربت منه وبدات تستنشق رائحته عايزة جرعتي بتاعة كل يوم
ضحك عليها بقوة.
أنا كلي ملكك ياحبيبي
في فيلا المنشاوي
دخل وجدها تجلس بشرفة غرفتهاو تنظر بشرود للخارج
: أنا مسافر كمان ساعة مش عايزك تكوني لسة زعلانة مني
نظرت إليه ثم نظرت للخارج دون حديث.
جلس على عقبيه وأمسك يديها:
من حبي فيكي كنت خايف أقرب منك واعمل علاقة تجرحك كنت ببعد وبحاول أقنعك انك أختي بس جه وقت وقدرتي على التحكم ضعفت إلى ان تلاشت ودخلت واتجوزتك عشان أقنع نفسي قبل قلبي أنك كل حاجة ليا وهواجه نفسي وهحاول اخليكي سعيدة بس شوفي من اول ضغط عليا زعلتك قوليلي اعمل ايه عشان دايما أخليكي سعيدة ومتزعليش. ثم وضع رأسه على قدميها وهي جالسة
وضعت يديها على رأسه وملست على شعره بحنان.
: أنا مستعدة استناك العمر كله ياعمر انت مش متخيل انا بحبك اد ايه بلاش تجرحني ياعمر بكلامك دا
قبل يديها ونظر إليها واردف بحب:
مش أقصد أزعلك ياروح عمر انا حددت مع عمي محمود فرحنا عارف هتزعلي عشان مرجعتلكيش بس خلاص يامرام احنا مش هنفضل كدا
وقفت ووقف بمقابلتها ثم ضمته بقوة وأردفت بسعادة: اللي انت شايفه اعمله حبيبي
رفع رأسه من حضـ,,ــــنها.
لم يعرف كم من الوقت مضى عليهما وهما بهذه الحالة قطع قبلته رنين هاتفه: ايوة ياريان حاضر نص ساعة وهقابلك في المطار
اه مرام هتيجي معانا، ثم نظر لمرام
اجهزي عشان تكوني مع جوزك النهاردة في الحفلة
نظرت إليه بسعادة:
هتاخدني معاك بجد
قدامك نص ساعة اجهزي بسرعة
ذهب على لريان بعدما طلب منه ريان: أنا مسافرة القاهرة مش عايزة نملة تدخل البيت وأنا مش موجود ونغم عندها محاضرة واجتماع النهاردة انت اللي هتكون معها ياعلي.
بعد ساعتين من مغادرة ريان تجهزت نغم وذهبت إلى جامعتها، بعد الانتهاء من المحاضرة قام ريان الاتصال بها للاطمئنان
اتت اليها طالبة من طالباتها المتفوقين أذنت ودخلت اليها، انهت اتصال ريان
دكتورة نغم كنت عايزة من حضرتك طلب، نظرت اليها لكي تكمل حديثها.
مامتي متوـ,,ــــفية طبعا وأنا قاعدة مع جدتي وهي مش مصدقة اني من الاوائل فهي برة قدام الجامعة وعايزة تتعرف عليكي عشان بحكيلها كتير عنك وهي عايزة تشوفك ورافضة تدخل الجامعة عشان يعني هدومها قديمة ومش عايزة حد يتريق عليا
انتي بتقولي ايه يامنى خليها تيجي ومحدش هيتكلم عليها حبيبتي معظمنا كدا
لو سمحتي يادكتورة هم خمس دقايق وحضرتك مروحة، فكرت قليلا ثم اردفت مبتسمة: حاضر هشوفها وأنا ماشية يالا بينا هتصل بس بالسواق.
لا جدتي على البوابة التانية أصل البوابة دي بتكون زحمة وهي ست كبيرة يعني
خرجت نغم ببرائتها متجهة الى جدتها كما زعمت هذه الفتاة.
اتصل بها ريان ولكنها اغلقت الاتصال بوجه
خرجت إلى الطريق تبحث عن الست العجوز ولكن عندما خطت إلى الخارج اشارت لها الفتاة ان جدتها بالجانب الاخر لأنها غير قادرة على عبور الطريق
إتجهت للجانب الاخر ومازال ريان يتصل بها ولكنها لم تجب عليه.
وصلت الى الجانب الاخر وعندما نظرت للفتاة وجدتها تبكي سامحيني دكتورة نغم خطفوا اخويا
وفي هذه الاثناء سيارة جيب سريعة تقف بجوارها
وجذبوها بداخلها بعدما ألقوا هاتفها بالخارج
ظل ريان يتصل بها ولكن لا يوجد رد
بحث على عنها بجميع المبنى ولكن لا أثر لها
حاول ريان الاتصال مرة أخرى واذا بشاب يجد هاتفها قام الشخص بالايحاب
ريان: حبيبي كدا تقلقيني عليكي
الشاب: حضرتك أنا لقيت التليفون دا مرمي على الطريق قدام الجامعة.
وقف ريان سريعا خارجا من الفندق الذي سيقام به الاحتفال واسرع للخارج يعني ايه اللي بتقوله دا
شاهده عمر وهو يخرج سريعا توجه اليه: ريان رايح فين نظر اليه ولا يعلم ماذا يخبره
مش لاقين نغم انا لازم أسافر اسكندرية حالا
: انت بتقول ايه يمكن في مكان كدا ولا كدا. اصبر بس وان شاءلله هترد عليك
دفعه ريان وخرج بقولك مراتي مش عارفين نوصلها تليفونها لقيوه مرمي قدام الجامعة على بقاله ساعة بيدور عليها ومش عارف يوصلها.
اشار لسائق تاكسي وتحرك متجها للمطار
اتصل عمر بمرام التي كانت بغرفة في الفندق. اتت اليه:
فيه ايه ياعمر انا مش فاهمة حاجة
اركبي لازم نرجع اسكندرية حالا
: بابا حصله حاجة
: لا بس نغم شكلها اتخطفت يامرام أنا مش قادر اسيطر على نفسي تخيلي حالة اخوكي ايه
وصلا كلا منهما الى الاسكندرية
ذهب ريان الى الجامعة مباشرة وبعد اتصاله بمعارفه بحثوا في الكاميرات شاهدها عندما قام بعض الاشخاص بجذبها ووضعها بالسيارة عنوة.
وقف وكأن روحه خرجت من جسده، كان البساط ينسحب من تحت رجليه. جلس وهو في حالة ترثى لها ثم اردف بصوت مختنق كروحه: يعني ايه يعني اتخطفت طيب ليه واشمعنى هي
جلس عمر بجواره:
ريان اهدى لو سمحت خلينا نعرف نفكر
نفكر هنفكر في ايه ياعمر مراتي اتخطفت في عز النهار وقدام جامعة يعني امن. يعني اللي خطفها بيقولي شوفت عملت ايه وهمني انه بيخطط لابويا وراح يخطف مراتي.
وصل محمود بعدما وصله الخبر وجد ابنه يجلس وكأن على رأسه الطير
ربت على كتفه: حبيبي هترجع ان شاء الله
وقف وغادر إلى منزله
وصل إلى منزله وجد الجميع هناك
دخل ولم يتفوه بكلمة، اتجه إلى غرفته مباشرة وكأنه فاقد الحياة لم ينظر إلى أحد
ريان حبيبي عامل ايه. هذا مااردفت به جميلة
نظر إليها محمود بألا تتحدث.
دخل غرفته نظر بأرجاء الغرفة تذكر هماستها وشقاوتها منذ ساعات فقط كانت سعادتهما تملأ هذه الغرفة، أخرج تنهيدة عميقة من أعماق قلبه ثم اتجه الى حمامه واغتسل وتوضأ