نثرت الشمس أشعتها الذهبية لتفرش الأرض باسطة نورها وتوسطت الشمس فى عنان السماء لتخبر عشاقنا أن اليوم ماهو إلا ساعات لمقابلة القلوب قبل الأجساد استيقظ جواد الذي لم ينم سوى ساعات قليلة… وقف متجها لمرحاضه لأداء صلاة الضحى… بعد فترة اتجه للخارج وجد الجميع يعمل قدما وساق فاليوم زفاف النجل الأكبر لعائلة الألفي.. الذي أصر على قيام حفلة زفافه تكون بمنزله وجد إخوانه ومليكة يجلسون يتناولون طعام الإفطار… اتجه لملاكه وقام بتقبيل جبينها
– عاملة إيه النهاردة ياحبيبتي… اقترفت بسمه على وجهها وهي تنظر لحازم – الحمد لله ياحبيبي كويسة…جلس بجوارها مردفا – والولا حبيب خاله عامل إيه…الولد دا محدش هيربيه غيري..أردف بها وهو ينظر لحازم بشقاوة: رفع حازم حاجبه وتحدث بسخرية – خلاص قررت أنه ولد وحضرتك اللي هتربيه مش لما تربي نفسك الاول كان يجلس بصمت يستمع لهما…لكـمته نهى بذراعه وأردفت متسائلة: – مالك ياصهيوبتي مش عادتك إنك تكون هادي ورزين…أقترب منها وهـمـس بجوار أذنها
– الصراحة بفكر في ليلة إمبارح وازاي كنت هادي ورزين يانهنيهو… وإنك كنتي حاجة وهم… ضغطت على قدمه بحذائه عندما شـعرت بالحرج من كلماته…وضعت رأسها في صحنها ولم تقو على الحديث…عندما تحدث جواد لهما – مالكم انتوا الاتنين عمال تهمسوا لبعض ليه …ضحك صهيب بصوته الر جولي – أنا قاعد هادي أهو بعيد عنك…فخليك بعيد عني ياعريس دا حتى سمعت ان النهاردة دُخلتك … دخل حازم وسيف بمزاح صهيب مما جعل البنات تقف عندما شعروا بدماء الحرج من كلماتهم
– لا إحنا كدا نروح نهزر مع العروسة… أمـسك جواد مليكة من يـديها بقوة مما جعلها تتألم – عارفة يامليكة لو حد قالها كلمة تزعلها هنفخكم كلكم – اوباااا على حضرة الضابط… براحة ياعمو رميو دا لسة بنقول ياهادي… انتوا لسة شوفتوا حاجة… دا احنا هنخليكم عرسان بجد… هذا ماقاله صهيب