يوسف:لا هيكون مين امى مسافرة ادخلى جوه
قام يوسف وفتح الباب وجد امامه رجل فى حوالى الاربعين من عمره ومعه رجل اخر يكبره بقليل
يوسف:افندم اى خدمة
الرجل:انت يوسف حجاج
يوسف:ايوه انتم مين
الرجل :انا مروان الشناوى وجايلك فى مصلحة
يوسف:مصلحة ايه
الرجل الاخر كان رشاد مساعد مروان:طيب ندخل اول وبعدين نتكلم
يوسف:مش قبل مااعرف انتوا مين وعايزين ايه
مروان:جايلك فى حاجة تخص ادهم فخر الدين
يوسف بغضب:ادهم وانتوا بقى عايزين ايه
مروان:انا عايز مصلحتك زى ماانت ليك تار عنده انا برضه عايز اخلص منه
يوسف:اذاكان كده اتفضل
دخل مروان ورشاد وجدوا زجاجات خمر ويبدوان معه امراة فى المكان
مروان:انا مش هعطلك يظهر انك مش فاضى ندخل فى الموضوع على طول انا عارف ان ادهم خطف منك نور اللى انت كنت بتحبها وعملت كل البدع عشان تتجوزك ورفضت وجه ادهم وخدها منك مظبوط
يوسف:ايوه مظبوط بس تعرف كل ده منين
ابتسم مروان بخبث:انا اعرف كل حاجة واى حاجة عايزاعرفها المهم ان انا ممكن اساعدك ترجع نور
يوسف:تقصد ايه
مروان:تعرف ان نور حاولت تنت*حر ولحقولها
يوسف بخضة:ايه بتقول ايه نور مالها جرالها ايه
مروان:اهدى اهدى هى كويسة دلوقتى واعتقد انه بسبب ادهم عشان
كده انت لازم تقرب من نور تانى وتخليها تحبك وتنسى ادهم ده نهائى
يوسف بحذر:وانت هتستفيد ايه
مروان:هستفاد ان ادهم هيتلبخ فى نور ويبعد شوية عن القرية السياحية اللى عايز ينافسنى فيها
يوسف:اه ه ه قول كده بقى
مروان:عشان كده انا جيت احط ايدى فى ايدك نوقفه ونخليه عبرة لاى حد
يوسف:وانا موافق
مروان:خلاص وعشان اثبتلك حسن نيتى نور موجودة دلوقتى فى بيتهم بعد ماخرجت من المستشفى يعنى الموضوع ممكن يكون سهل انك ترجع العلاقات القديمة حتى بمكالمة تيلفون نسجلها نعمل بيها اى مصلحة نخليهم يوقعوا فى بعض وانا تاخد نور وانا اكسره واخليه يخسر
كل حاجة اه وعلى فكرة ادهم معاها هناك يعنى مش بيسبها غير وهو فى الشغل ودى فرصتك
يوسف:حلو اوى كده سيب الباقى عليا اتقفنا ..
مروان:اتقفنا الحلقة الثامنة عشر انطلاق الحب
حاول ادهم خلال المدة التى يقيضها معهم ان يتقرب الى نور اكثر حتى تسامحه وتعود اليه والى بيتها الذى قام بتغيير كل شئ فيه حتى لاتعود اليه ومعها ذكريات ماحدث قبل ذلك كان يذهب الى عمله ويعود الى نور لاينكر انه يشعر بالراحة فى بيت خاله الا انه رجل ويحب الاستقرار ويريد العودة الى بيته ومعه زوجته استيقظت نور صباحا على صوت هاتفها وجدت رقم غريب لا تعرفه لم ترد عليه
استيقظ ادهم على صوت الهاتف:صباح الخير ياحبيبتى
نور:صباح النور معلش الموبيل قلقك
ادهم:لالا انا كده كده كنت صاحى ورايا مشاوير كتير النهاردة …..
بس مين اللى بيطلبك بدرى كده
نور:مش عارفة رقم غريب محبتش ارد
ادهم:ماشى اقوم انا بقى اخد دش وانزل على طول
دخل الى الحمام ليستحم ويتوضا للصلاة شعرت نور انه زوجها الذى له حقوق عليها حتى اعداد الافطار له شئ بسيط ولكنه يفرق كثيرا
خرجت من غرفتها وذهبت للمطبخ تجهز له الافطار خرج من الحمام لم يجدها ادى صلاته وجدها تدخل الغرفة
نور:حرما
ادهم:جمعا ان شاء الله
نور:يلا عشان تفطر
ادهم:ايه الرضى ده هى امل صحت ولا ايه
نور:ليه وهو انا مش عجباك ولاايه ياباشمهندس
اقترب منها وقبل يدها:ده انتى تعجبى
الباشا
نور:طيب يلا ياباشا عشان تفطر قبل ماتنزل
كادت ان تخرج امسك بيدها:نور مش ناوية نرجع بيتنا انا نفسى نكون مع بعض لوحدنا فى بيتنا
نور:شوية كده ياادهم انا عارفة انك ممكن تكون مضايق هنا بس صدقنى انا مش قادرة ارجع البيت دلوقتى
ادهم:وانا اللى يهمنى راحتك نفطر بقى
ابتسمت :يلا ياحبيبى
اغلق الباب فجاة:انتى قلتى ايه
ارتبكت نور بشدة:بقول يلا نفطر
ادهم:يا ايه
نور:ادهم خلاص بقى
ادهم:والله ماهنخرج من هنا غير لماتردى عليا يا ايه
نور:اادهم مينفعش هتتاخرعلى مشوارك
ادهم:ولا يفرق معايا قولى بقى
اعطته ظهرها لتخفى
وجهها عنه:ادهم خلاص بقى
التف اليها:والله العظيم ما هنتحرك من هنا غير لما اسمعها غتاتة بقى هااا هتقولى ولا نبات هنا
نور:بحبك ياادهم
قالتها وخرجت بسرعة وهو يقف مذهولا يداعب شعره بقوة كانه فى حلم خرج خلفها لكنه وجد فكرى امامه
فكرى:صباح الخيرياادهم هاا نازل
ادهم وهو ينظر اليها :هااا اه ياخالى صباح الخير
فكرى:هااا مالك ياابنى فى ايه
ادهم وكانه شاردا:لاياخالو مفيش حاجة معلش دماغى مشغولة شوية مش هتفطر
فكرى:هتوضا واصلى واحصلك
ادهم:ماشى براحتك خالص
نظر فكرى الى نور والى ادهم مرة اخرى:عليا النعمة انت اتهبلت انا رايح اصلى احسن
دخلت نور المطبخ لتعد له الشاى دخل خلفها يحتضنها من الخلف:يعنى ينفع تقولى كلمة حلوة زى دى على الصبح وتهربى كده
نور:ادهم مينفعش كده حد يشوفنا
ادهم:ايه بس بنعمل حاجة غلط واحد بيحب فى مراته حلاله فيها ايه
نور:مينفعش ياادهم سيبنى بقى
سمعوا صوت امل تنادى على مازن ومريم :عجبك كده كفاية بقى
ادهم:ماشى ياستى بس مش هترضى عنى بقى ونرجع بيتنا
نور:قريب ياادهم قريب اوى
تناول ادهم الافطار وهو يشعر بسعادة لاتوصف وهو يخطف النظرات لنور بين حين واخر قام من مكانه
عن اذنكم بقى ياجماعة محتاجين حاجة
فكرى:تسلم يا حبيبى
ادهم:نور محتاجة حاجة
نور:لا ربنا يخليكى
امسك بمعطفه ليخرج قامت وراءه نور تلقائيا لاتعرف لماذا فعلت ذلك
نور:تروح وتيجى بالسلامة
ادهم:هتوحشينى خلى بالك من نفسك
نور:وانت كمان خلى بالك من نفسك
خرج من الباب ثم نادى عليها:نور
نور:نعم
قبل شفتيها سريعا:بحبك
تركها ورحل وهى تتحسس شفتيها بفرحة وسعادة
مر يومهم كالعادة نامت نور قليلا ثم استيقظت على رنة على هاتفها اعتقدت انه ادهم فردت عليه
نور:الوو مين
المتحدث:معقول يانور نسيتى صوتى
نور:مين معايا
المتحدث:نور انا يوسف
نور:انت عايز ايه انت محرمتش كفاية بقى مش عايزة اسمع صوتك تانى
اغلقت الهاتف وقامت لتتوضا وتصلى الظهروبعدما انتهت رن هاتفها مرة اخرى وجدته رقم اخر احست انه يوسف
جاءتها فكرة ان تسجل له المكالمة لاتعرف لماذا ولكنها فعلت
نور:ايوه مين
يوسف:نور وحشتينى
نور:يوسف انت اتجننت عايز منى ايه مش كفاية اللى عملته معايا عايز ايه
يوسف:عايز تسامحينى وتنسى اللى عملته وتسيبك
من ادهم ده
نور:انت مجنون ادهم جوزى اللى اخترته وفضلته على اى واحد تانى افهم بقى انت اصلا ملكش وجود فى حياتى عمرنا زمايل وبس عمر ما كان بينا حاجة تانية
يوسف:اه بس لسه بحبك ومستعد لاى حاجة تطلبيها مش كفاية اللى عمله معاكى وخلاكى تنتـ,ـحرى
نور:ايه انت جبت الكلام ده منين
يوسف:مش مهم جبتوا منين المهم انى مش هسيبك يانور وادهم ده بكره هاخدك منه وامو*ته بحسرته عليكى زى ما عمل معايا
نور بانفعال:والله العظيم لو حاولت تاذيه ما هسيبك يايوسف
يوسف:للدرجة دى بتحبيه
نور:ايوه بحبه ومهما يعمل فيا هحبه خلى عندك كرامة
بقى انا مشوفتش كده فى حياتى
يوسف:ماشى يانور بس اعرفى انتى اللى بداتى
كان ادهم فى مكتبه يراجع بعض الاوراق فدخل عليه زياد:تصدق باللى خلقك انت معندكش دم
ادهم:حبيبى يا زيدو ليه كده بس
زياد:اه صحيح ماانت سيبنى هناك فى شرم وانت قاعد هنا على مكتب وتكييف ونور معاك هتفكر فى الغلبان ده
ادهم:اه اه والله لوتعرف جرالى ايه ما هتقول كده
زياد:ليه ايه اللى حصل
قص عليه ادهم ما حدث بينه وبين نورمن البداية الى هذه اللحظة
زياد:ايه يابنى ده انت مجنون مفيش مخ تفكر تسال تتفاهم ديما عصبيتك سبقاك كده ده انت غريب
ادهم:منه لله يوسف هو السبب فى ده كله انا مشفتش كده واحد
بيحب واحدة وهى اصلا مش طايقه بيعمل كده
زياد:ده بعيد عنك مرض حب الامتلاك يفضل يسعى وراء اى حاجة عاوزها لحد ما يطولها وبعد كده خلاص
ادهم:اه وانا بقى اسيبه يعمل اللى هو عايزه
زياد لاطبعا مقصدش بلغ عنه اعمله اى حاجة تبعده عنكم
ادهم:عملت محضر ولا الهوا هو شكله محتاج يتروق
زياد:ادهم بلاش كده متجبش لنفسك مصيبة مع واحد زى ده
انتهى يومهم وذهب ادهم الى المنزل وجد نور تجلس شاردة
ادهم:حبيبتى سرحانة فى ايه
نور:لا ابدا مفيش حمد لله على السلامة
ادهم:الله يسلمك بس مالك شكلك مضايقة من حاجة
نور:لاابدا مفيش هحضرلك الغدا
امسك بيدها:مالك يانور فيكى ايه
نظرت اليه قليلا تفكر اتعلمه بمكالمة يوسف ام تصمت افاقت على صوت ادهم:ايه مالك سرحانة ليه
نور:لا ابدا هحضرلك الغدا زمانك جعت
تركته حائر ا فيها تناول الطعام وهو ينظر اليها لا يفهم ما بها انتهى من الطعام وذهب الى غرفته ليبدل ملابسه دخلت عليه نورخائفة اتعلمه بمكالمة يوسف ويحدث مالايحمد عقباه ام تصمت وتزرع
بيدها الشك بداخله مرة اخرى
ادهم:نور مالك حاسس ان فى حاجة مخبياها عليا مالك يا حبيبتى
نور:بصراحة فيه بس ممكن تبقى هادى وانا بحكيلك ومتتعصبش
ادهم:انتى كده قلقتنى فى ايه
نور:يوسف طلبنى النهاردة
ادهم بغضب :نعم بتقولى ايه طلبك يعنى ايه
نور:شفت انت باين غلطت لما قولتلك
حاول ادهم ان يتمالك اعصابه :طيب خلاص انا هادى اهوو ممكن تقوليلى حصل ايه وقالك ايه
نور:انا لقيت رقم بيطلنى بعد انت ماخرجت لقيته هو اول ما فتحت لقيته هو قفلت على طول بعد الضهر رقم تانى قلت ممك تكون انت ورجعت قلت ممكن هو فتحت
عليه
ادهم:هااا وقالك ايه نور:انا سجلت المكالمة كلها
امسك ادهم بهاتفها واستمع الى المكالمة كاملة وهو يشعر بغضب جامح من حديثه وكلماته لها انه مازال يحبها القى بالهاتف امامه
طيب ده اعمل فيه ايه ا**له واريح نفسى
نور بسرعة:ايه ياادهم بتقول ايه انا كده غلطت لما قولتلك
ادهم:لا يانور انتى لو مكنتيش قلتى كان ممكن الموضوع يتفسر غلط بس هو الكلب ده اللى مينفعش اسكت عليه تانى
نور:هتعمل ايه ياادهم هتاذى نفسك ليه ده واحد مجنون مش طبيعى سيبك منه بقى
ادهم:يانور افهمينى انا خايف عليكى مش هستحمل حاجة تحصلك انا ممكن ام*وت والله ام*وت
وضعت يدها وهى
ترتجف على شعره:وانا مليش غيرك اخاف عليه ومستحملش انك يجرالك حاجة
نظر الى عينيها بدهشة :نور انتى قاصدة كلامك ده ولا من وراء قلبك
نور:انا عمرى ما هقولك كده لو كان من وراء قلبى ياادهم
ادهم:نور انا بحبك اوى مش بحبك بس لا بعشقك
ضمها الى ح*ضنه بقوة وهو يكاد يصرخ :ياااه يانور كان نفسى احض*نك اوى كان نفسى اضمك ومتبعديش عنى تانى ابدا
لفت ذراعيه حوله بخجل :ادهم متسبنيش انا بخاف وانت بعيد
ادهم:وانا عمرى ما هيبعدنى عنك غير المو*ت
نور:بعد الشر عنك ياحبيبى
ابعدها عنه قليلا :حبيبك بجد يانور حبيبك
نور:واغلى من حبيبى مفيش عندى ياادهم
قبلها بشوق وحنين اليها افتقدها منذ زمن منذ ابتعدت وتركته
بعد حوالى يومان مر يومهم كالعادة وقد بدا فى تجهيز بيتهم لتعود اليه مرة اخرى اتصل بها وهو فى المكتب
ادهم:حبيبتى اخبارك ايه
نور:بخير ياحبيبى ازيك انت
ادهم:انا بخير طول ماانتى بخير ياعمرى هاا جهزتى نفسك ولا لسه عايز بكره نرجع شقتنا عشان بقى نعيش ونظبط نفسنا ولا ايه الواحد مش اخد راحته ولا ايه
خجلت نور وقد فهمت مما يلمح اليه :ادهم خلاص بقى
ادهم:ههههه ماشى يا ست الكل بقولك بتعملى ايه
نور:ابدا لوحدى ماما وبابا
راحو يزوروا خالتى ومريم ومازن فى الجامعة
ادهم:يعنى لوحدك اجى بقى
نور:هااا قلنا ايه اما نروح بيتنا
ادهم:يارب هون على بكره
نور:ههههه مستعجل على ايه
ادهم:ياشيخة حرام عليكى ازعق واقول للناس عايز مراتى ياناس عايز اقضى شهر العسل بقالى اربع شهور الناس تقول عليا ايه مش راجل ولا ايه
نور:ادهم كفاية بقى حرام عليك…….
قاطعه صوت الباب:مين بيخبط
نور:مش عارفة دول لسه خارجين ومريم ومازن مش قبل العصر
ادهم:طيب افتحى وانا معاكى
نور:حاضر
فتحت نور الباب وجدت يوسف امامها صرخت :يوسف
ادهم:نور يوسف نور ردى عليا
الحلقة التاسعة عشر بداية جديدة سمع ادهم صرخة نور وهى تنطق باسم يوسف
ادهم:نور اقفلى الباب بسرعة
لم يمهلها يوسف ان تغلق الباب دفعه بقوة :انا عايز اتكلم معاكى وانتى رافضة ليه
نور:انت مجنون مبتحسش ايه معندكش دم
يوسف:انتى ازاى تعلى صوتك عليا وانا هبقى جوزك مش عيب
نور:لالا انت مجنون صح
كل هذا وادهم يستمع الى حديثهم ولكنه فتح درج مكتبه واخرج مسدسه وخرج سريعا لايرى امامه اى شئ غير الوصول الى نور وفى اثناء حديثهم تعثرت قدم نورفوقع هاتفها وانتهى الاتصال وظل ادهم يصرخ :نور نور ردى عليا الووو نور
ركب سيارته وانطلق بسرعة البرق وكاد ان
يصطدم اكثر من مرة ولكنه تابع طريقه
اما عند نور فمازالت تحاول مع يوسف ان يخرج ويتركها
نور:يوسف بلاش جنان ادهم هيجى دلوقتى ومعرفش ممكن يعمل فيك ايه
ضحك يوسف بشدة:حبيبتى انا بس عايز اتكلم معاكى وانتى مش مديلى فرصة
نور:وانا مش عايزة اتكلم معاك اطلع بره بقى
يوسف:قولتلك متعليش صوتك عليا انا لحد دلوقتى ساكت وبتكلم بادب
معرفش بعد كده ممكن اعمل ايه
نور :والله هصوت والم الناس عليك اخرج احسنلك
يوسف:ولا يفرق معايا اعملى اللى انتى عايزاه
وجدت امامها فازة القتها عليه مما زاد غضبه وجعلتها يهجم عليها وهى تصرخ
به
انت مجنون امشى ابعد عنى
يوسف:ابدا مش هبعد عنك مش هبعد
ظلت نور تدافع عن نفسها وتض*ربه بكل قوتها وهو لا يتراجع حتى استطاعت التخلص منه وهربت على غرفتها واغلقتها
ادهم مازال فى الطريق طلب مازن وجده فى الجامعة ثم عاد وطلب احمد
احمد:حبيبى ياابو نسب اخبارك
ادهم:احمد مش وقته انت فين
احمد:انا فى البيت فى ايه
ادهم:يوسف يوسف راح البيت ونور لوحدها انا رايح على هناك
احمد:ايه ده اتجنن طيب انا هروح
ادهم:طيب بسرعة
ظل يوسف يحاول فتح الباب على نور وهى تصرخ وتبكى وتترجاه ان يبتعد عنها
نور:يوسف بالله عليك ابعد من هنا
يوسف:مش قبل ما تتطلقى من ادهم وتبقى ليا وحدى
نور:انت مجنون مجنون
نجح اخيرا فى فتح الباب وهى تصرخ جذبها من حجابها ونزعه وجذبها من شعرها
انتى فاكرة انك هتهربى منى ده مستحيل سمعتى مستحيل
حاول تقبيلها وهى تضر*ب فيه حتى القاها على السرير وهو يحاول الاعتداء عليها وهى تصرخ باسم ادهم
صفعها على وجهها:متجبيش سيرته
نور :لا هقول ادهم وهفضل اقولها
صفعها مرة اخرى وجذبها من شعرها يجرها على الارض بغضب وهى تحاول التشبث باى شئ
وهو مازال يسحلها على الارض وهى تبكى بشدة من الالم ثم اوقفها وحاول ان يجذب ملابسها وهى متمسكة بها
فى نفس اللحظة التى يدخل فيها ادهم يجده يحاول الاعتداء
عليها صرخ بغضب
يوسف
رفع ادهم مسدسه واطلق رصاصة ليصاب يوسف فى كتفه ويسقط مغشيا عليه صرخت نور وجرت على ادهم الذى ضمها بقوة :نور حبيبتى انتى كويسة لمسك قرب منك
نور ببكاء :لالا ادهم عملت كده ليه هيمو*ت وهياخدوك منى
ادهم:متخافيش ربنا هيوقف جنبى عشان انا بدافع عن شرفى وعرضى
يدخل احمد فى هذه اللحظة احمد وفكرى وامل يجدون يوسف ملقى على الارض وادهم ممسك بالمسدس
احمد:ليه ياادهم ليه
ادهم:انت كنت عايزنى اسيبه يقرب منها ولا يلمسها
فكرى:بس انت كده هتلبس قضية ق*ل
ادهم:مش مهم المهم ان نور كويسة
كانت
نور مازالت متمسكة به جاءت الاسعاف والشرطة لنقل يوسف للمشفى وتم القبض على ادهم ونور تصرخ بهم ان يتركوه وهى متمسكة به
ادهم:حبيبتى متخافيش هرجع ان شاء الله هرجع
نور:ادهم متسبنيش انا خايفة
ادهم:لا يانور اوعى تخافى انا هفضل موجود على طول خدى بالك من نفسك
ونظر الى احمد:احمد خد بالك منها
الظابط:يلا كفاية كده
احمد:متخافش ياادهم نور هتبقى كويسة
كان ادهم ينزل معهم وعينه عليها حتى سقطت مغشيا عليها انتفض وحاول ان يصعد اليها لكنهم امسكوا به ومنعوه وهو ينادى عليها
بدات التحقيقات مع ادهم فى جريمة الق*ل
الظابط :استاذ ادهم صدقنى انا عايز اساعدك والمحضر اللى عملته قبل كده ان شاء الله هيفيدك بس ادعى ربنا انه ميم*وتش
ادهم:انا بدعى ربنا انه يمو**ت وارتاح منه
طيب وانا المفروض اعمل ايه
الظابط للاسف هتبات هنا وبكره هتتعرض على النيابة
اليوم التالى تم عرض ادهم على النيابة بصحبة المحامى وتم استدعاء نور وكل الموجودين فى المنزل وقت الحادثة
استمع وكيل النيابة الى اقوال الشهود ما عدا نور تركها اخيرا
جاء دور ادهم بصحبة المحامى
الوكيل:استاذ ادهم انت ليه حاولت تق*ل يوسف حجاج
ادهم:طبيعى اما
الاقى واحد بيتهجم على مراتى لازم ادفع عنها ولا اسيبه
الوكيل :بس توصل لل**ل
المحامى:يا فندم استاذ ادهم مكنش يقصد الق**ل كان بيدافع عن مراته اللى يوسف حاول يعتدى عليها
الوكيل:هو كان فى حاجة بين مراتك ويوسف قبل جوازكم
ادهم بغضب:لا طبعا زيه زى اى واحد اتقدم لواحدة ورفضته *لكن يوسف ده مريض عنده حب الامتلاك عشان كده حاول بكل الوسايل انه يوقع بينا وباى طريقة
الوكيل:ليه يعنى اقصد انك ممكن تكون اتجوزتها بسبب فلوسك وهو مقدرته متسمحش
ادهم:يا سيادة الوكيل انا عايز اقولك ان نور تبقى بنت خالى *قبل ما تكون مراتى ويوسف اتقدملها
قبلى بزمان ورفضته يعنى مش حكاية فلوس ولا غيره
ممكن اسال حضرتك سوال
الوكيل :مع ان المفروض انا اللى اسال بس اتفضل
ادهم:لو فى واحد حاول يعتدى على مراتك ولا اختك واودامك هتعمل معاه ايه
صمت قليلا:هق**ه
ادهم:وانا معملتش اكتر من كده انا دافعت عن شرفى ومش ندمان
ضغط زر بجواره ونادى على الشرطى ليدخل نور
دخلت نور خائفة مرتجفة ولكنها ما ان رات ادهم حتى اتجهت اليه
الوكيل :مدام نور اتفضلى ممكن تحكيلى على كل اللى حصل
قص عليه نور كل ما جرى من يوسف وتصرفاته معهم حتى لحظة اطلاق النار
عليه
نظر اليهم قليلا ثم جاءه الشرطى بتقرير عن حالة يوسف
الوكيل:حالة يوسف مستقرة باين معرفتش تنشن كويس يااستاذ ادهم الرصاصة جت فى كتفه وحالته مش خطيرة
اكتب ياابنى:امرنا نحن وكيل النائب العام بالافراج عن ادهم فخر الدين بضمان محل اقامته ووضع يوسف حجاج تحت الحراسة لحين استقرار حالته الصحية وعرضه على النيابة
اتفضل يااستاذ ادهم مع السلامة
فرحة لاتوصف يشعر بها ادهم ونور وها هو سوف يخرج بدون اى تهمة
خديجة بخوف:هااا يا حبيبى عملت ايه
المحامى:الحمد لله وكيل النيابة كان متعاطف مع ادهم وخرجه بضمان محل اقامته يعنى خلاص مفيش قضية
فخر :يعنى هيخرج معانا
المحامى:باذن الله نخلص الاجراءت ويروح على طول
ظل ادهم ممسك بيد نور :حبيبتى متخافيش
نور:خلاص يا حبيبى مش خايفة انت هتبقى معايا خلاص
انتهوا من الاجراءت وركب ادهم ونور سيارة احمد
ادهم:على فين يا جماعة ده مش طريق بيت خالى
نور:لا يا حبيبى ده طريق بيتنا احنا هنروح البيت بتاعنا
ادهم بفرحة:بجد يانور
نور:بجد يا عيون نور
احمد:ايه ياجماعة حرام عليكم اعملوا حسابى انا راجل فسخت خطوبتى كده غلط عليا
ادهم:ايه ليه
نور:احمد من الاول مكنش مرتاح معاها بس خالتى بقى كانت مصممة
ادهم:ولا يهمك
ياابو حميد بكره تلاقى ست ستها
وصل البيت وكان فى استقبالهم الجميع لاحظ احمد دارين شقيقة ادهم ظل ينظر اليها باعجاب شديد لاحظته نور:ايه يا استاذ مالك
احمد:
هااا لاابدا مفيش هى اخت ادهم دى مخطوبة
نور:ههههه لامش مخطوبة ايه بتفكر
احمد :بفكر اوى اسيبك انا دلوقتى وابقى اجيلك بعدين سلام يا قطة
تركهم احمد واستئاذنت نور الصعود الى شقتها قام ادهم وراءها امسكت به رودى:على فين ياادهومتى
ادهم:هيكون على فين يا غلسة طالع لمراتى
دارين:لالا اقعد معانا شوية اصلك وحشنا اوى
ادهم:ايه ده انتوا مالكم فى ايه
رودى:ولا حاجة اخونا ووحشنا فيها حاجة دى
تدخلت داليا فى الحديث:ماتسيبوه يطلع تلاقيها قايدة نار فوق
رودى:وانتى مالك احنا احرار مع اخونا
داليا:يعنى الحق عليا انا اللى غلطانة
دارين:بالظبط كده
رن هاتف رودى فاغلقته:يلا ياحبيبى اطلع لمراتك يلا
ادهم:انت يا بت مجنونة اومال ماسكة فيا ليه
دارين :ماتتطلع بقى ولا نحبسك هنا
ادهم:لا يا ماما انا طالع اتحبس فوق احلى حبس
داليا:مش اوى كده
نظروا اليها جميعا بغيظ وتركهم ادهم وصعد الى شقته وماان دخل حتى وجد الانوار مغلقة والشموع تضيى المكان
ادهم:نور نور انتى فين