فقالت السيده عائشه : بقولك ايه يا حسام يابني… ايه رأيك تخليني ادورلك على بنت حلوه ومحترمه علشان تتجوزها ؟ فتنهد حسام وقال : قولتلك مليون مره يا ماما انا مش عايز اتجوز تاني.. ليه مصرة انك تزعجيني كل مرة بالموضوع دا ؟ سليم : بس يا حسام طنت عائشة عندها حق ، يعني انت لازم تتجوز تاني علشان احمد لان ابنك محتاج ام ترعاه وتهتم بيه.
فقال حسام بنبرة حادة : قولتلكوا اني مش عايز اكرر الغلطه اللي عملتها واتجوز مرة تانيه ، وبالنسبة لاحمد فانا هجيب له مربيه علشان تهتم بيه وانتوا بطلوا تحطوه عذر علشان تخلوني اتجوز لاني زهقت وانا بسمع نفس الكلام كل يوم. قال ذلك ونهض ، فنهض سليم ايضاً وقال : هاجي معاك. فألتفت حسام اليه وقال : خليك يا سليم… انا عايز ابقى لوحدي شوية. فتنهد سليم وقال : ماشي .
* ثم خرج حسام الى الحديقة واخذ نفساً عميقاً ولكنه انتبه على نور التي كانت توبخ اختها لمى قائله : انتي ايه يا شيخه , ازاي عملتي كدا يا عبيطه ؟ فقالت لمى : مخلاص بقى يا نور , يعني هو انا عملت كدا عن قصد ؟ فقالت نور : انا عايزه افهم دماغك كانت فين لما وقعتي العصير على فستان الست اللي جوا ؟ لمى : ليه بتقولي عني عبيطه ؟ , ان وقعته غصب عني لاني اتكعبلت ووقعت وكنت هتأذى.
فتنهدت نور وقالت : الحق عليا انا.. مكنش لازم اجيبك معايا هنا ابداً . لمى : على اساس انا كنت عايزه اجي يعني , مانتي سحبتيني من البيت غصب عني زي ماكون جموسه عند حضرتك يا استاذه . نور : قوليلي دلوقتي هنجيب فلوس منين علشان نعوضها عن الفستان اللي حضرتك بهدلتيه دا ؟ لمى : متقلقيش… انا هروح ادور على شغل جديد وهجيب الفلوس . فقامت نور بضــ,,ـربها على رأسها بعد سماع ذلك ثم قالت بنبرة تهديد : لو سمعت كلمة شغل على لسانك تاني فانا هقطعهولك وارميه للكلاب انتي سامعه ؟؟
فقالت لمى بتذمر : يوووه يا نور بقى ..ليه مش عايزاني اشتغل؟؟ نور : لانك لازم تركزي في المذاكرة وتتخرجي من الجامعة وانتي رافعة راسنا ومتقلقيش… انا حهتم بموضوع الفستان دا. فتنهدت لمى وقالت : وهتعملي ايه ان شاء الله ؟؟ هتشتغلي رقاصه وتحاولي تغري واحد من الرجالة الأغنياء اللي جوا وتخليه يتجوزك ويديلك الفلوس ولا هتبيعي كليتك علشان تعوضي الست ؟
فنظرت نور اليها بطرف عينها ثم قالت بتحدي : ايوا يا لمى… لو مالقيتش حل تاني فانا هحاول اني اوقع واحد من الرجالة اللي جوا في شركي وهخليه يحبني ويتجوزني ومش هعمل حساب لاي حد ، علشان كدا بطلي تريقة وارجعي لشغلك بسرعة لحسن والله العظيم هديلك بالجزمة . فقالت لمى بتذمر : تصدقي انك رخمة اوي , هروح دلوقتي. قالت ذلك وعادت الى عملها ، اما نور فأخذت نفساً عميقاً ثم قالت : هعمل ايه دلوقتي , هجيب الفلوس منين ؟
وبينما كانت واقفه تفكر التفتت ورأت حسام واقفاً يحدق بها كما لو انها حشره فأقتربت منه بنيه صافيه ثم رسمت ابتسامتها الساحره على وجهها وقالت : عايز حاجة يا فندم ؟ اما هو فأبتسم بسخــ,,ـرية وقال : لا مش عايز اي حاجه يا… كدابه. { ملاحظة : لقد تقابل حسام ونور قبل سنه في الكازينو ولكنهما كانا ثملين لذا لم يتذكرا بعضهما عندما تقابلا مجدداً } فقطبت نور حاجبيها وقالت : لا موأخذة يا فندم بس ممكن اعرف ليه بتقول عني كدابه ؟
حسام : متعمليش نفسك مش فاهمة ويكون في علمك انا مش سهل ابداً ومش هتقدري انك تخدعيني بحيلك القذرة دي. فقالت نور بعدم فهم : انا اسفه بس مش فاهمة انت بتقصد ايه بكلامك , هو احنا تقابلنا قبل كدا ولا ايه ؟ حسام : لا انتي عارفه قصدي كويس وجيتي هنا علشان تتقربي مني وعايزه تغريني بجمالك وتوقعيني في شبكتك بس على مين يا شاطرة ؟؟ , مش على حسام الشناوي .
فنظرت نور اليه بغرابه وقالت : ايه ؟ وانا هحاول اتقرب منك ليه يا فندم دا انا حتى معرفكش علشان اعمل كدا. فرفع حسام حاجبه ثم قال : ما تحاوليش انك تكذبي لاني سمعتك كويس لما قولتي من شوية انك عايزه تتقربي من الرجالة الأغنياء اللي جوا وتحاولي تغريهم علشان يدولك فلوس . نور : ايه !! , انت سمعت الكلام اللي قولته لاختي , ايه الرزالة دي ؟ حسام : احترمي نفسك يا انسه ، ازاي بتتكلمي معايا بالشكل دا هو انتي متعرفيش انا ابقى مين ؟
فتنهدت نور بقوة وقالت : بقولك ايه يا جدع انت….انا معنديش اي فتفوتة اهتمام بحضرتك ودا معناه اني مش عايزه اتقرب منك خالص وبعدين انا قولت الكلام دا بدون وعي ومكنتش اقصد اني اعمله فعلاً علشان كدا أعتذر مني فوراً . فضحك حسام باستهزاء وقال : ايه ؟؟ عايزاني انا اعتذر منك انتي ؟؟ نور : ايوا…لأنك غلط في حقي ولازم تعتذر. حسام : مش هعتذر لاني مغلطش وكلامي صح والدليل على كدا انك جيتي لحد عندي وانتي بتضحكي عامله نفسك بتسأليني لو عايز حاجة والحقيقة انك عايزه توقعيني في حبك علشان اديلك فلوس بس انا كشفتك .
نور : يا بني آدم افهم… انا تطوعت اني اشتغل هنا النهاردة ودا واجبي اني اهتم بكل الناس الموجودين في الحفله وبعدين انت كنت بتبصلي وانا افتكرت انك عايز حاجه علشان كدا جيت اسألك بس مكنتش متخيله ابداً انك هتفكر فيا بالطريقة الوحشة دي ! فتنهد حسام وقال بعدم تصديق : اوك فهمت.. تقدري تمشي دلوقتي. نور : بالبساطة دي ؟؟ عايزني امشي كدا من غير متقولش اي حاجة ؟
حسام : وعايزاني اقول ايه يا شاطره ؟ نور : اعتذر مني فوراً لانك شكيت فيا واتهمتني زور. حسام : اسمعي يا شاطره ، انا مش صاحبك او الـ Boyfriend بتاعك علشان تتكلمي معايا بالشكل دا…وبعدين انا اكبر منك ولازم تتكلمي معايا بأدب ولا انتي متعرفيش ازاي بتتكلمي مع الكبار ؟ فقالت نور بأنزعاج : ايه الرزالة دي اللي انت فيها يا شيخ ؟؟ مش شايف اني وحدة ست والمفروض انك تبقى جنتل وتتكلم معايا بشكل راقي ؟
فصرخ حسام بها قائلاً : وبعدين معاكي بقى ، شكلك هيتعبني اوي. في تلك الأثناء خرج سليم ليبحث عن حسام فوجده يتشاـ,,ــــجر مع نور ، فقال محدثاً نفسه : يا ساتر… الراجل دا ميقدرش يتكلم مع الستات من غير خناق ابداً ! قال ذلك ثم ركض نحوهما وقال : حسام معالي الوزير عماله يدور عليك. فألتفت حسام اليه والأنزعاج ظاهر على وجهه ثم قال : ماشي يا سليم… بس ادي مسحوبة اللسان دي شوية فلوس الاول علشان متوجعش دماغنا وتسبب لينا مشكله بعدين .
حسام : حاضر. فصرخت نور بهما قائله : ايه حاضر دي ؟؟؟ انت فاكر انك هتشتريني بشوية فلوس ؟؟ , قولتلك اعتذر مني دلوقتي حالاً ! فقال سليم : عفواً يا أنسه ، بس مينفعش تتكلمي مع حسام بيه بالطريقة دي. فقالت بغضــ,,ـب : بلا بيه بلا نيله , الراجل دا اتهمني في حاجة معملتهش ومش بس كدا دا جـ,ـرح كرامتي عشان كدا لازم يعتذر مني دلوقتي . فقال حسام : خلاص يا سليم… دي بنت مجنونه و الاحسن اننا نسيبها لوحدها ، يلا خلينا نرجع.
قال ذلك وغادر ، اما نور فانزعجت منه كثيراً لانه استفزها وحاولت ان تلحق به ولكن سليم منعها بقوله : انا بعتذر بالنيابة عن حسام بيه يا انسه… قوليلي ايه المبلغ اللي انتي عايزاه كتعويض ؟ فصرخت نور به قائله : انا مش عايزه منكوا فلوس ، وروح قول للعبيط اللي دخل جوا دا ان الاحترام وعزة النفس ملهمش ثمن ابداً . قالت ذلك ثم دفعت سليم بكتفها وغادرت ، اما هو فتنهد وقال : اه منك يا حسام… دي البنت السادسة اللي تعمل معاها مشكله الاسبوع دا وانا لازم اتحمل البهدلة بدالك !
☆ عوده للواقع ………….. – بعد ان تشاـ,,ــــجر حسام مع نور في المدرسه اخذ ابنه احمد وذهب الى منزله الذي كان عباره عن فيلا ضخمة ، فنزل من السيارة ثم فتح الباب الخلفي ليخرج ابنه فامسك بيده وضغط عليها بقوة ثم دخلا الى المنزل وهناك قام باستدعاء الخادمة صفاء وقال لها : انتي هتفضلي مع احمد لغاية ماجيب له مربية جديدة واوعي تغفلي عنه كلامي واضح يا صفاء ؟ فقالت صفاء بأرتباك : تحت امرك يا فندم .
قالت ذلك ثم امسكت بيد احمد الذي كان خائفاً واخذته الى غرفته ، اما حسام فعاد الى الوزارة مجدداً . تسارع في الاحداث ………………… – مر اسبوع ولم يذهب احمد الى المدرسة لأنه كان يرفض الذهاب الى هناك بشده ، فشعرت نور بالقلق عليه بعدما رأت كيف صرخ والده في وجهه ، فقالت في نفسها : ليه احمد بقاله اسبوع مجاش المدرسة , معقول يكون ابوه المجنون ضــ,,ـربه ومنعه انه يخرج ؟
قالت ذلك ثم اخذت تفكر قليلاً وسرعان ما قالت : اه وليه لا ، الراجل دا مجنون رسمي وممكن يعمل اي حاجة والاحسن اني اطمن على الواد المسكيــ,,ـن . قالت ذلك واتصلت بِـ رقم سليم وعندما اجابها قالت : آلو… انا اسفه على الأزعاج يا فندم ، انا الأستاذة نور عبد العزيز واتصلت بحضرتك من المدرسة اللي بيدرس فيها احمد. سليم : اتفضلي يا استاذة , هو احمد عمل حاجة تانيه ؟